प्रहरी प्रधान कार्यालय काठमाण्डौले कोहि प्रहरीले पनि  अबबाट प्रहरी पोसाकमा  टिकटक लगायतका  अन्य कुनै भिडियो  नबनाउन र बनायर  सामाजिक संजालमा  नराख्न  भन्दै  प्रेस विज्ञप्ति जारी गरेको छ | अहिले विभिन्न टेलिसिरियल, म्युजिक भिडियो र चलचित्रमा प्रहरीको बर्दी प्रयोगमा दुरुपयोग आएको भन्दै यस्तो विज्ञप्ति जारी गरेको हो |

उक्त विज्ञप्तिमा यदि कसैले पनि बिना स्वीकृति प्रहरी पोसाक र प्रहरीको पोसाकमा  प्रयोग हुने दर्ज्यानी चिन्हहरु  प्रयोग गरेमा कडा कारबाही हुने कुरा जनाइएको छ  | अहिले संसारभर प्रचलित टिकटकमा प्रहरी पोसाकमा भएको प्रयोग, कहिँ कतै दुरुपयोग  भेटेपछि यस्तो निर्णय गर्नु परेको  केन्द्रीय प्रहरी प्रवक्ता प्रहरी बरिस्ठ उपरीक्षक कुबेर कठायतले बताउनुभयो | अब यदि प्रहरी पोसाक कहिँ कतै प्रयोग गर्न परेमा आधिकारिक अनुमति लिएर मत्र प्रयोग गर्न आग्रह गरेको छ |