गृहपृष्ठ इपीएलको मुख्य प्रायोजक बजाज
इपीएलको मुख्य प्रायोजक बजाज
भरेष्ट प्रिमियर लिगको मुख्य प्रायोजकबाफत बजाज पल्सरले एक बर्षको २ करोड ५० लाख रुपैयाँ तिर्ने भएको छ ।
असोज नौ गतेबाट सुरु हुने प्रतियोगिताको मुख्य प्रायोजकका लागि दुई जना दावेदार थिए । जसमा पेप्सी इन्डिया रहेको थियो भने अर्को बजाज थियो ।
तर पेप्सी इन्डियाले बजाजले प्रस्ताव गरेको जति रकम दिन नसक्ने बताएपछि पछि हटेको हो ।
बजाजले एक बर्षका लागि अहिले सम्झौता गरेको छ । जुन सम्झौता अरु दुई बर्ष थप्न सकिने बताइएको छ ।
मुख्य प्रायोजक बनेको बजाजसँग सर्वोपनि त्यसैमा जोडिने भएको छ । ६ टिमको सहभागिता रहेको प्रतियोगिताका लागि सबै टिमले विदेशी खेलाडी अनुबन्धको प्रक्रियामा रहेका छन ।
कीर्तिपुर मैदानमा हुने प्रतियोगितामा यसपटक दर्शक राख्ने नराख्ने विषयमा स्थास्थ्य मन्त्रालयको मापदण्डलाई पालना गर्ने आयोजकले बताएका छन ।
यो पटक प्रतियोगिताको पुरस्कार राशी अघिल्लो सिजनको भन्दा बढ्ने आयोजकले बताएका छन ।
तर कति पुरस्कार हुने भन्ने आगामी कार्यक्रममा बताउने जोरा स्पोर्टस म्यानेजमेन्टका एमडी आमिर अख्तरले बताए ।
यो पटकको इपीएल खेल्न साहिद अफ्रिदी, अजिज, कार्लोस ब्रेथवेट, सोयब मलिक आउने पक्का भइसकेको छ ।
बजाज र इपिएलबीच भएको २ करोड ५० लाखको साझेदारी नेपाली खेलकुदको सर्वाधिक ठूलो प्रायोजन हो ।
यसअघि नेपाली खेलकुदमा कतार एअरलाइन्सले ए डिभिजन लिग फुटबल गर्न अखिल नेपाल फुटबल संघ (एन्फा) सँग ठूलो सम्झौता गरेको थियो ।
कतारले एक सिजनका लागि १ लाख ५० हजार अमेरिकी डलर (झन्डै १ करोड ७५ लाख रुपैयाँ) प्रायोजन गरेको रकम नै सर्वाधिक थियो ।
