गृहपृष्ठ रसुवा बाढीका मृतक ११ जनाको शव लुम्बिनी प्रादेशिक अस्पतालमा ल्याइयो
रसुवा बाढीका मृतक ११ जनाको शव लुम्बिनी प्रादेशिक अस्पतालमा ल्याइयो
बुटवल । रसुवाको भोटेकोशीमा आएको भीषण बाढीमा परी ज्यान गुमाएका ११ जनाको शव लुम्बिनी प्रादेशिक अस्पताल, बुटवलमा ल्याइएको छ। नवलपरासीका विभिन्न स्थानमा फेला परेका ९ पुरुष र २ महिला गरी ११ जनाको शव पहिचान तथा व्यवस्थापनका लागि प्रादेशिक अस्पतालमा राखिएको इलाका प्रहरी कार्यालय बुटवलका प्रमुख डिएसपी निशान्त श्रीवास्तवले जानकारी दिएका छन्।
यसैगरी, बाढीमा परेका अन्य ३ महिलाको शव भने भैरहवास्थित भीम अस्पतालमा राखिएको छ। प्रहरीका अनुसार नवलपरासी क्षेत्रमा थप शवहरू पनि भेटिने क्रम जारी रहेकाले लुम्बिनी प्रादेशिक अस्पतालमा अझै थप शव आउन सक्ने सम्भावना रहेको छ।
