तिनाउ गाउँपालिकामा अनलाईन प्रणाली मार्फत राजस्व संकलन तथा योजना व्यावस्थापन तालिम सम्पन्न भएको छ । नेपाल सरकारको सुचना प्रविधि सम्वन्धि निति अनुरुप सरकारी कार्यालयको कामकाज पारदर्शी र वैज्ञानिक ढंगले कार्यसम्पादन गर्न अनलाईन प्रणाली मार्फत राजस्व संकलन गर्न कर्मचारीहरुलाई उक्त सफ्टवेयर सम्वन्धि तालिम सञ्चालन गरीएको गाउँपालिका अध्यक्ष ओम बहादुर घर्ति मगरले बताउनुभयो ।

तलिममा पालिकाभित्रका सबै वडा सचिव र वडा सहायक, गाउँपालिकाको लेखा प्रशासन र राजस्वका कर्मचारीहरुको सहभागिता रहेको थियो । २ दिनसम्म चलेको उक्त तालिममा उपाध्यक्ष दयमन्ति थापा , प्रबक्ता राजेश श्रेष्ठ ,लेखा अधिकृत शंकर पुरी लगायतले राजस्व सँकलन अलनाईन प्रणालीको आवश्यकता र महत्वबारे आ-आफ्नो विचार राख्नुभएको थियो । तालिमको सहजिकरण सुचना प्रवधि अधिकृत तुल बहादुर घर्तिले गर्नुभएको थियो ।