पुर्वी नवलपरासीमा नदिजन्य पदार्थको अवैध चोरी निकासी कार्यमा बृद्धि भएको छ । प्रहरीले अवैध चोरी निकासीमा संग्लग्न ट्याक्टरहरु नियन्त्रणमा लिएर आवश्यक कारबाहिका लागि सम्बन्धीत स्थानिय तहमा बुझाउने गरे पनि चोरीका घटनामा कमी आउन सकेको छैन । मंगलबार मात्र जिल्ला प्रहरी कार्यालय नवलपरासी बर्दघाट सुस्ता पुर्वबाट खटिएको प्रहरी टोली, प्रहरी चौकी तम्सरीया र अस्थायी प्रहरी पोष्ट डण्डाबाट खटेको टोलीले जिल्लाका विभिन्न स्थानबाट १९ बटा ट्याक्टर नियन्त्रणमा लिएको छ ।

जिल्लाको विनयी त्रिवेणी गाउँपालिका २ स्थित विनयी खोलाबाट १२ बटा र प्रहरी चौकी तम्सरीया र अस्थायी प्रहरी पोष्ट डण्डाको टोलीले हुप्सेकोट १ बेल्हुवा र कावासोती १६ को पत्थर खोलाबाट ७ वटा ट्याक्टरलाई नियन्त्रणमा लिएको जिल्ला प्रहरी कार्यालय नवलपरासी बर्दघाट सुस्ता पुर्वका सुचना अधिकारी प्रहरी नायव उपरिक्षक मोहन बहादुर खाँडले जानकारी दिनुभएको छ । नियनत्रणमा लिईएका ट्याक्टरहरु अवैध रुपमा नदिजन्य पदार्थको चोरीनिकासी गर्दै गर्दाको अवस्थामै नियन्त्रणमा लिईएकोले आवश्यक कारबाहीका लागि सम्बन्धीत निकायमा पठाईको खाँडले बताउनुभएको छ । प्रहरीले लु ४ त १०३६ , लु २ त ७७२० , लु ४ त ४१६२ , लु २ त ४५५० , लु ४ त ८६६ , लु ४ त १०८४ , ना ७ त ६०८४ , प्र २ (०३(००१ त ६६३ , ना ४ त ९८९५ , ना ५ त ६००५ , ना ६ त २०५ , ना ५ त ४०३ , ना ६ त ६०२० , यलभ तभकत १ र नंम्बर नखुलेको ५ वटा गरी जम्मा १९ वटा ट्याक्टरलाई नियन्त्रणमा लिएको हो । पछिल्लोपटक प्रहरीले नदिजन्य पदार्थको अवैध चोरीनिकासी नियन्त्रणका लागि आफ्नो सक्रियता बढाएसंगै धमाधम ट्याक्टरहरु नियन्त्रणमा लिईएको छ । जतिसुकै नियन्त्रणमा लिए पनि अबैध चोरीनिकासी गर्ने समुह पनि झनै सक्रिय भएका छन् ।