तिहारको बेला प्रहरी चौकीमा चिटिक्क परेको मन्दिर, झिलीमिली बलेको बत्ति र त्यसैमा रमाइरहेका प्रहरीहरु । सरकारी कार्यालयको हालत त हामीले देखेकै छौँ जताततै लथालिङ्ग र भताभुङग अवस्था यस्तै लथालिङ्गका बिच कार्यालय प्रवेश गरेका एक असईले आफ्नो कार्यकालमा व्यक्तिवादी नबनेर कार्यालय सिँगार्ने काम गरेका छन्। जिल्ला प्रहरी कार्यलय कपिलवस्तुको मातहतमा पर्ने प्रहरी चौकी तुल्सिपुर बल्हुवा ५/७ महिना अघि कस्तो जिर्ण अवस्थामा थियो भन्ने कुरा तलका तस्विरले प्रस्ट पार्छ ।

जिल्लामा प्रहरी उपरीक्षक नवराज अधिकारी आएपछि पुरस्कृत समेत भएका प्रहरी सहायक निरीक्षकले आफ्नो कार्यालयलाई कुनै कसरले घर भन्दा बढी स्याहार गरेका छन् । आजसम्म विभिन्न कर्मचारीहरु कार्यालय प्रमुखको रुपमा आएपनि आफ्नो मात्रै थैलि भरेर गए कार्यालयलाई कार्यालय जस्तो माया गरेनन् । प्रहरी सहायक निरिक्षक उदयभान यादवले स्थानिय निकाय, समाजसेवी, सहयोगीहरुको सहयोगमा बर्षादको समयमा सर्प र बिच्छिको बास हुने प्रहरी कार्यालयमा पलास्टर समेत गरेका छन् । तै पनि उनी भन्छन ” मैले खासै केही गरेको त छैन तै पनि गर्ने प्रयास गरिरहेको छु ।” उनले वर्षादको समयमा कार्यालय पुग्नै नसकिने बाटोमा सबैतिर जोरजाम गरेर ६० ट्राली गिट्टी हालेर कार्यालयमै गाडी जानमिल्ने बाटो बनाएका छन् । आफू कार्यालय आउँदाको गन्हाउने व्यारेक, सर्प बस्ने अध्यारो ठाउँलाई सरसफाई पछि पुटिन लगाएर तल्लो भुँइ पलास्टर गरेर चिटिक्क पारेका छन् । साथै कार्यालय परिसरमा रहेको मन्दिरमा टायल लगाइ, रंगरोगन गरि चिटिक्क पारेका छन् । उनी भन्छन् ” वरिपरि पोखरी हुनाले सर्पको खतरा उत्तिकै हुन्थ्यो अहिले धेरै कम भएको छ । यो सबै यस कार्यालयका प्रत्येक प्रहरी कर्मचारीको सकृयताको नतिजा हो ।” सरकारी सम्पत्ति यसरी संम्भार, संरक्षण र माया गर्नाले भोलि आफूलाई समेत त्यसको नतिजा सबैबाट सम्झना त मिल्नेछ उनी भन्छन् । एउटा प्रहरी सहायक निरिक्षकले चाहेमा कार्यालयको कायापलट गर्न सकिने कुरा उनले देखाएका छन् भने जिल्ला प्रहरी कार्यालयका प्रहरी नायव उपरीक्षक धर्मराज भण्डारी र अन्य अधिकृत समेत खुशी छन् ।

कार्यालयको अहिलेका तस्बिरहरु ;