अरुण भ्याली हाइड्रोपावर डेभलपमेण्ट कम्पनीको हकप्रद शेयरको मूल्य नेपाल स्टक एक्सचेञ्ज (नेप्से) लेसमायोजन गरेको छ । सोमवार नेप्सेले ५० प्रतिशत हकप्रद शेयरको समायोजनपछि शेयरमूल्य २४२ रुपैयाँ तोकेको छ । कम्पनीको आइतवार कायम अन्तिम शेयरमूल्य ३१३ रुपैयाँ को आधारमा शेयरमूल्य समायोजन भएको हो । कम्पनीले हकप्रद शेयर निष्कासन प्रयोजनको लागि सोमवार बुकक्लोज गरेसँगै नेप्सेले शेयरमूल्य समायोजन गरेको हो ।
कम्पनीले ५२ लाख ४१ हजार १९७ कित्ता हकप्रद शेयर निष्कासन गर्ने भएको हो । उक्त हकप्रद शेयर निष्कासन गर्नका लागि कम्पनीले नेपाल धितोपत्र बोर्डबाट फागुन २५ गते स्वीकृति पाएको थियो ।हाल कम्पनीको चुक्तापूँजी ९९ करोड ८३ लाख रुपैयाँ रहेको छ । यो हकप्रद शेयर निष्कासन पछि उक्त पूँजी १ अर्ब ५२ करोड २४ लाखभन्दा बढी पुग्नेछ ।

यो पनि पढ्नुहोस् आज मंगलबार शेयर बजार खुलेको केही समयमा नै महिला लघुवित्तको कारोबार भएको छ ।महिला लघुवित्तको २० कित्ता शेयर कारोबार भएको नेप्सेको फ्लोरसिटमा देख्न सकिन्छ ।योसँगै महिला लघुवित्तको शेयर मूल्य १८ अंकले बढ्दै ४८१ पुगेको छ । हिजो कुनै कारोबार नहुँदा यो कम्पनीको मूल्य ओरालो लागेको थियो । अझैपनि नेप्सेको हाइ डिमाण्ड लिस्टमा महिला लघुवित्तको शेयर नै रहेको छ । २० कित्ता कारोबार भएपनि त्यसपछि बेच्न चाहने लगानीकर्ता एकजना पनि देखिएका छैनन् ।

यो पनि पढ्नुहोस् नेपाल स्टक एक्सचेन्ज (नेप्से) परिसूचक १४ अंकले बढेको छ । आज नेप्से २५२८ अंकमा पुगेर बजार बन्द भएको छ । आज साल्ट ट्रेडिङको कम्पनीको मूल्य १० प्रतिशतभन्दा बढीले उकालो लागेको छ भने ७ कम्पनीको मूल्य ९ प्रतिशतभन्दा बढीले उकालो लागेको छ । चन्द्रागिरि हिल्स, रसुवागढी जलविद्युत, कालिका पावर, सान्जेन, वमी माइक्रोफाइनान्स, माथिल्लो तामाकोसी, रैराङ हाइड्रोपावरको मूल्य ९ प्रतिशत भन्दा बढीले बढेको छ ।

आज सबैभन्दा बढी पन्चकन्या माइ हाइड्रोपावरको मूल्य ४ प्रतिशतले घटेको छ । आज ५ अर्ब १४ करोड रुपैयाँको बराबरको शेयर कारोबार भएको छ । जसमा नेपाल इन्फ्रास्ट्रक्चर बैंक अग्रस्थानमा रह्यो। कम्पनीको मूल्य ५४० रुपैयाँ पुगेको छ ।