२०८१ साउन ८ गते मंगलवार | July 23, 2024

गृहपृष्ठ नवआगन्तुक विद्यार्थीलाई एभरेष्टमा स्वागत तथा अभिमुखिकरण कार्यक्रम सम्पन्न

नवआगन्तुक विद्यार्थीलाई एभरेष्टमा स्वागत तथा अभिमुखिकरण कार्यक्रम सम्पन्न

बुटवल । बुटवल सुख्खानगरमा रहेको एभरेष्ट इङलिस बोर्डिङ माध्यमिक विद्यालयले कक्षा ११ का नवआगन्तुक विद्यार्थीलाई स्वागत तथा अभिमुखिकरण कार्यक्रम सम्पन्न गरेको छ । विद्यालयले शनिबार आयोजना गरेको कार्यक्रममा साढे चार सयबढी विद्यार्थीलाई स्वागत गर्नुका साथै आगामी उच्च शैक्षिक गणस्तरियता र जीवन उपयोगी सीपका बारेमा अभिमुखिकरण गरिएको हो । कार्यक्रमको उद्घाटन गर्दै राष्ट्रिय परीक्षा बोर्ड लुम्बिनी प्रदेश कार्यालयका प्रमुख रमाकान्त तिवारीले उच्च शिक्षाका लागि अग्रसर कक्षा ११ का विद्यार्थीलाई शैक्षिक सफलताको शुभकामना दिदै विद्यार्थीको यो समय जिज्ञासु र जुजारु समय भएकाले असल क्रियाकलाप सिकाइमा ध्यान दिन जरुरी रहेको बताउनुभयो । उहाँले असल आचरण, असल सिकाई र लगनशिलताका लागि अभिमुखिकरण कार्यक्रम विद्यार्थीका लागि औपचारिक शिक्षा जस्तै आवश्यक भएको बताउनुभयो ।

विद्यालय संचालक समितिका अध्यक्ष गमप्रसाद रेश्मीको अध्यक्षतामा भएको कार्यक्रममा अभिभावक महासंघका केन्द्रिय सदस्य लोकनाथ ज्ञवाली, पत्रकार महासंघ रुपन्देहीका अध्यक्ष रामराज पोखरेल, महासंघका पुर्व अध्यक्ष मोहन चापागाई, विद्यालय संचालक समिति सदस्य धर्मेन्द्रनाथ भट्टराई, अभिभावक चोपकान्त न्यौपाने, विद्यार्थीहरु दिपेन पौडेल, अदिती अधिकारी, करण भुसाल, ओजश्वी न्यौपाने, डेविड खनाल लगायतले शैक्षिक सफलताका लागि लगन, आचरण र ब्यवहारलाई सकारात्मक बनाउनुपर्ने बताउनुभयो ।

विद्यालयका प्राचार्य कृष्ण न्यौपानेले असल, शिक्षा, पारिवारिक घुलनमिलन र संस्कार सहितको शिक्षाका बारेमा विद्यार्थीहरुलाई सहजिकरण गर्नु भएको कार्यक्रममा सहप्राचार्य भिमसेन गौतमले विद्यार्थीलाई शैक्षिक नीतिगत विषयका बारेमा आफ्ना भनाई राख्नु भएको थियो । प्रज्ञा म्यानेजमेन्ट ग्रुप काठमाण्डौका प्रबन्ध निर्देशक सहदेव महतले जीवनउपयोगी सीप र उच्च शिक्षामा विद्यार्थीले ध्यान दिनुपर्ने कुराका बारेमा विज्ञान र ब्यवस्थापन विषयका ४५० विद्यार्थीलाई सहजिकरण गर्नु भएको थियो । सम्पन्न उक्त कार्यक्रमको संचालन शिक्षक माधव पौडेलले गर्नुभएको थियो ।

http://www.everest.edu.np/

प्रतिकृया दिनुहोस्

सम्बन्धित शीर्षकहरु

ताजा समाचार