काठमाडौं । हिन्दु नारीहरुको महान पर्व हरितालिका तीज नजिकिँदै गर्दा नेपाली सांगीतिक बजारमा दिन प्रतिदिन तीज गीतहरु बजारमा आईरहेका छन् । यसैगरी सन्जिला सुमित्राको कोरियोग्राफी र निर्देशनमा ‘गुलेली तन्कियो’ बोलको तीज गीत सार्वजनिक भएको छ।

उक्त गीतमा लामो समयदेखि नेपाली लोकदोहोरी क्षेत्रमा आफ्नो सुमधुर गायिकाको पहिचान बनाउन सफल लोकप्रिय गायिका शान्तिश्री परियार र गायक विशाल शोनीको आवाज रहेको छ । त्यस्तै महानायक राजेश हमाल ,विशाल शोनी र कुमारी बराइलीको दमदार अभिनय रहेको छ भन्ने सह-कोरियोग्राफि जुनिका खड्काले गर्नुभएको छ ।

त्यसैगरी गीतमा राजु सुमनको सङ्गीत संयोजन, छायाङ्कन प्रकाश खड्का र मिलन विश्वकर्माको सम्पादन रहेको छ । शब्द र लय विशाल शोनीको रहेको छ । गीतको भिडियो Bishal Sony युट्युब च्यानल मार्फत सार्वजनिक गरिएको छ । गीतका सम्पूर्ण टिमको मेहनत रहेको र सबैले आफ्नो कार्यदक्षता अनुसार काममा कुनै कमि आउन नदिएको टिमले बताएको छ। गीतको सफलताको सम्पूर्ण टिमलाई हाम्रो तर्फबाट धेरै शुभकामना ।

गीतको भिडियो :