गृहपृष्ठ पछिल्लो २४ घण्टामा नेपालमा थपिए यति कोरोना संक्रमित
पछिल्लो २४ घण्टामा नेपालमा थपिए यति कोरोना संक्रमित
काठमाडौं,२४ पुस। देशभर थप ९४४ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १३ हजार २६४ जनाको परीक्षण गर्दा पीसीआर विधिबाट ६९६ र एन्टिजेन विधिबाट २४८ जनामा संक्रमण पुष्टि भएको हो ।
यस अवधिमा थप २९७ जना संक्रमणमुक्त भएका छन् । नेपाल हालसम्म कूल संक्रमितमध्ये ८ लाख १४ हजार ६ जना संक्रमणमुक्त भइसकेका छन् । नेपालमा निको हुने दर ९७.९ प्रतिशत रहेको छ ।
हाल देशभर ५ हजार १४० जना सक्रिय संक्रमित रहेका छन् । कोभिड-१९ को संक्रमणबाट आज कसैको पनि मृत्यु भने भएको छैन । अहिलेसम्म संक्रमणबाट ११ हजार ६०२ जनाले ज्यान गुमाइसकेका छन् ।
