दाङ,३०कार्तिक। नेत्रविक्रम चन्द (विप्लव) नेतृत्वको नेकपाले रचनात्मक काम गर्दै पेट्रोलियम पदार्थको मूल्यवृद्धिको विरोध गरेका छन् । मंगलबार गरेको नेपाल बन्दको क्रममा दाङमा भने यस्तो अलि फरक किसिमको दृष्य देखिएको छ ।

सडकका देखिएका बन्दकर्ता सडक सरसफाईसंगै ट्राफिक चिन्हहरुको व्यवस्थापन गर्न तर्फ लागेका छन् । बन्दकर्ताहरुले आफैँ कुचो समाएर सडक सफा गर्नेदेखि जेब्रा क्रसिङ निर्माण र रङ रोगनसम्मको काम गरेका छन् । राजनीतिक कार्यकर्ताहरु अराजक मात्रै हुन्छन् भन्ने सोचलाई आम सर्बसाधरणमा कम गराउन र समाजमा रचनाताम्क काम गरेर पनि विरोध जनाउन सकिन्छ भन्ने कुरा यो दृश्यबाट देख्न सकिन्छ ।

बन्दको समयमा यस्तो गरेमा नियमित अवस्थाको भन्दा राम्रो हुने र सडक खाली भएको बेला गरिएको पेन्टसमेत दीर्घकालिन हुने विश्वास उनिहरुले लिएका छन् । लामो समयदेखि जेब्राक्रसिंगहरु मेटिदै गएको अवस्था हुँदासमेत त्यसमा सम्बन्धित निकायको ध्यान नभएको देखेर यसलाई नयाँ बनाइएको उनीहरुले बताए ।