इज्जत कंडेल,बुटवल। रोट्रयाक क्लब अफ बुटवल चौतारीले शैक्षिक सामाग्री तथा न्यानो कपडा वितरण कार्यक्रम सम्पन्न गरेको छ । अध्क्षय रो.सुबाष नेपालको अध्क्षयता तथा रुरुक्षेत्र गाउँपालिका वडा नं.५ का वडा अध्यक्ष हरि प्रसाद ज्ञवालीको प्रमुख आतिथ्यतामा रुरुक्षेत्र गाउँपालिकाको हरि स्मृति प्रा.वि.र पदमा प्रा.वि.मा अध्ययन गर्ने साना बालबालिकाहरुलाई शैक्षिक सामग्री र स्वेटर वितरण कार्यक्रम सम्पन्न गरेको छ ।

कार्यक्रमको अवसरमा वडा नं. ५ का अध्यक्षले क्लबका युवाहरुले आफ्नो पकेट खर्चको रकमबाट कटौती गरि पवित्र उद्देश्यका साथ उक्त क्षेत्रको विद्यालयलाई  सामाग्री वितरणको लागि छनोट गरेकोमा धन्यवाद व्यक्त गर्नुभयो र आगामी दिनमा पनि यस्तै रचनात्मक कार्य गर्नका लागि शुभकामना पनि व्यक्त गर्नुभयो । कार्यक्रममा स्थानीय समाजसेवी  विद्यालयका प्राचार्यहरु शिक्षक, शिक्षिकाहरु,विद्यार्थीहरु,क्लबका सस्थापक अध्यक्ष रो.लक्ष्मण श्रेष्ठ,तथा क्लबका पदाधिकारीहरुको उपस्थिति रहेको थियो ।

कार्यक्रममा रो.विदुर ज्ञवालीले स्वागत मन्तव्य राख्नुभएको थियो । त्यस्तै कार्यक्रम संयोजक रो.रोशन ज्ञवालीले कार्यक्रम बारे प्रकाश पार्नुभएको थियो । क्लबका सर्भिस डाइरेक्टर रो.सुमित पराजुलीले कार्यक्रम संचालन गर्नुभएको कार्यक्रमको समापन सम्पूर्णलाई धन्यवाद ज्ञापन गर्दै क्लबका अध्क्षय रो.सुबाष नेपालले कार्यक्रमको समापन गर्नुभएको थियो ।