तिलोत्तमा। लामो छलफल पश्चात नेकपा एमाले तिलोत्तमा नगर कमिटिको अध्यक्षमा तामानाथ पाण्डे चयन भएका छन् । हिजोदेखि सुरु भएको अधिवेशनमा नेतृत्वका आंक्षिहरु धेरै भएपछि हिजो र आज विहानैदेखि आन्तरिक छलफलमा रहेको एमालेले सहमतिमै नेतृत्व टुङ्ग्याउन सफल भएको हो ।

उपाध्यक्षमा नेत्र वन, सचिवमा मिन प्रसाद पोखरेल तथा दुईवटा उपसचिव पदमा गणेश उपाध्याय र संगीता गुरुङ चयन भएको एमाले रुपन्देहीका सचिवालय सदस्य तथा प्रचार विभाग प्रमुख मोहन चापागाईंले जानकारी दिए । यस सँगै रुपन्देहीका १३ वटा पालिकाहरुमा नेतृत्वको टुङ्गो लागेको छ । नेतृत्व टुङ्गीएको बुटवल उपमहानगरपालिकामा भने सचिव र दुई उपसचिव पदमा अझै टुङ्गो लाग्न सकेको छैन ।

नेतृत्वका लागि सिद्धार्थनगर नगरपालिका, देवदह नगरपालिका र सियारी गाउँपालिकामा छलफल जारी रहेको एमालेले जनाएको छ । जिल्लाका सैनामैना र लुम्बिनी साँस्कृतिक नगरपालिकासहित कञ्चन गाउँपालिका, सुद्धोधन गाउँपालिका, मायादेवि, ओमसतिया, रोहिणी, सम्मरीमाई, कोटहीमाई, मर्चवारी र गैडहवा गाउँपालिकामा हिजो (मँगलबार) नै सर्वसहमतिमा नेतृत्व चयन भएको छ ।