सैनामैना नगरपालिकास्थित न्यू एकेडेमी बोर्डिङ स्कुलमा न्यू क्रिकेट एकेडेमी संचालनमा आएको छ । सैनामैना २ मा रहेको न्यू एकेडेमी बोडिङ्ग स्कुलको समायोजनमा उक्त क्रिकेट एकेडेमी संचालनमा आएको हो ।

नेपालका क्रिकेटर शक्ति गौचनको बोलिङ्ग र न्यू एकेडेमी बोडिङ्ग स्कुलका अध्यक्ष मिन प्रसाद पौडेलले बेटिङ्ग गरेर एकेडेमीको उद्घाटन गरिएको हो ।
एकेडेमीको उद्घाटन गर्दै नेपाली क्रिकेटर गौचनले क्रिकेटको नेपालमा राम्रो सम्भावना रहेको बताउनुभएको छ । समयको माग अनुसार बिद्यालय स्तरबाटै क्रिकेट एकेडेमी संचालनमा आउनु सकारात्मक रहेको बताउदै गौचनले यस एकेडमीबाट राष्ट्रियस्तरको खेलाडी उत्पादन गर्नमा अहम भुमिका रहने बिश्वास गौचनले विश्वास व्यक्त गर्नुभएको छ । हरेक बिधार्थीको क्षमता फरकफरक हुने भएकोले बिधार्थी क्षमताको पहिचान गरी सोहि क्षेत्रमा अगाडी बढाउने उदेश्यले एकेडेमी संचालनमा ल्याईएको बिद्यालयका अध्यक्ष मिन प्रसाद पौडेलले जानकारी दिनुभयो ।

बिधालयलाई एक उत्कृष्ट, नमुना र गुणस्तरीय बिद्यालय बनाउने तर्फ सधै अग्रसर रहेको अध्यक्ष पौडेलले बताउनुभएको छ । खेल क्षेत्रमा पनि बिधार्थीलाई प्रोत्साहन गर्ने गरी एकेडेमी संचालन गरीएको उहाँले बताउनुभयो । बिधालय र बिधालय बाहिर रहेका सबैलाई लक्षित गरी यो एकेडमी संचालनमा ल्याईएको बिधालयका प्रधानाध्यापक टोपलाल भट्टाराईले बताए । एकेडमीमा छात्र छात्रा सबैलाई प्रशिक्षण गर्ने ब्यवस्था मिलाईएको बताउदै एकेडेमीमा बिभिन्न प्याकेजहरु रहेको भट्टाराईले बताएका थिए ।