गृहपृष्ठ मौसम अपडेट : आज यस्तो रहनेछ देशभरको मौसमी अवस्था
मौसम अपडेट : आज यस्तो रहनेछ देशभरको मौसमी अवस्था
काठमाडौं । मुलुकमा पश्चिमी वायुको सामान्य प्रभाव रहेको छ। मौसम पूर्वानुमान महाशाखाका अनुसार आज प्रदेश १, गण्डकी, कर्णाली र सुदूरपश्चिमका पहाडी भूभागका थोरै स्थानमा वर्षाको सम्भावना छ। बाँकी प्रदेशका पहाडी भूभागका एक(दुई स्थानमा हल्का वर्षा हुनसक्ने महाशाखाले जनाएको छ।
राति गण्डकीका पहाडी भूभागका एक-दुई स्थानमा हल्का वर्षाको सम्भावना रहेको छ। सोमबार प्रदेश १, गण्डकी, कर्णाली र लुम्बिनीका पहाडी भू–भागका थोरै तथा बाँकी प्रदेशका पहाडी भू-भागका एकदुई स्थानमा हल्का वर्षा हुनसक्ने ठानिएको छ।
