कपिलबस्तु तिलौराकोटका ११ वर्षिय ‘फुच्चे टुरिष्ट गाइड’ भनेर चिनिने राहुल शाहनी सम्पर्कविहिन भएका छन् ।कपिलबस्तु नगरपालिका–३ घर भएका शाहनी सोमबार विहानदेखि सम्पर्कविहिन छन् । विहान ९ बजे नजिकैको सिद्धार्थ ईं.बो.स्कूल जान हिँडेका उनी विद्यालय भित्र प्रवेश नगरेको विद्यालयले जनाएको उनका बुवा रिंकु शाहनीले बताए ।राहुलका साथी,छिमेकी र आफन्तहरु लाई सोधपुछ गरिसकेपछि पनि उनको बारे केही जानकारी नभ्एको उनले बताए ।

उनी घरबाट साइकल लिएर विद्यालय हिँडेको र घर नफर्केको बताए  । यो समाचार तयार पार्दासम्म उनी सम्पर्कमा आएका छैनन् । उनको खोजी गरिदिन परिवारजनको आग्रह गरेका छन । सामान्य परिवारका ११ वर्षिय राहुल साहनी गौतमबुद्धले २९ वर्ष बिताएको स्थल तिलौराकोट आउने विभिन्न देशका पर्यटकलाई यहाँको भौतिक संरचनाका विषयमा बुझाउने गर्छन् । उनीसँग नेपाली, हिन्दी, अंग्रेजी, चिनियाँ, थाईलगायत सात देशका भाषाको ज्ञान रहेको छ ।

@tilottamacitynews