गृहपृष्ठ आयरल्याण्डविरुद्धको सिरिज नेदरल्यान्ड्सलाई
आयरल्याण्डविरुद्धको सिरिज नेदरल्यान्ड्सलाई
एजेन्सी । नेदरल्यान्ड्सले आईसीसी पुरुष विश्वकप सुपर लिग क्रिकेट अन्तर्गत आयरल्याण्डविरुद्धको तीन खेलको एकदिवसीय क्रिकेट सिरिज जितेको छ ।
सोमबार भएको तेस्रो तथा अन्तिम एकदिवसीयमा आयरल्याण्डलाई ४ विकेटले हराएर नेदरल्यान्ड्सले २-१ ले सिरिज जितेको हो ।
आयरल्याण्डले दिएको १ सय ६४ रनको लक्ष्य नेदरल्यान्ड्सले ४५ ओभर ५ बलमा ६ विकेट गुमाएर पूरा गर्यो ।
नेदरल्यान्ड्सको जितमा स्टेपहेन माइबर्गले ७४ रनको अर्धशतकीय इनिङ्स खेले । म्याक्स ओडोडले ३६ रन बनाए ।
आयरल्याण्डका सिमि सिंहले ३ विकेट लिए ।
यस अघि पहिले ब्याटिङ गरेको आयरल्याण्डले ४९ ओभर २ बलमा अलआउट हुँदै १ सय ६३ रन बनाएको थियो ।
आयरल्याण्डका ह्यारी हेक्टरले ५८ रनको अर्धशतकीय इनिङ्स खेल्दा जर्ज डोक्रेलले ४० रन बनाए ।
सिमि सिंह २१ रनमा अविजित रहे ।
नेदरल्यान्ड्सका फ्रेड क्लासेन र लोगान भान विकले ३/३ विकेट लिए ।
यस अघि पहिलो खेल नेदरल्यान्ड्सले १ रनले जितेको थियो । तर, दोस्रो खेलमा आयरल्याण्ड ८ विकेटले विजयी भएको थियो ।
