गृहपृष्ठ दक्षिण अफ्रीका विजयी
दक्षिण अफ्रीका विजयी
एजेन्सी । दक्षिण अफ्रीकाले अन्तिम तथा तेस्रो एकदिवसीयमा आयरल्याण्डलाई पराजित गरेको छ ।
डुब्लीनमा शुक्रबार राति भएको खेलमा दक्षिण अफ्रीकाले आयरल्याण्डलाई ७० रनले हराएको हो ।
आयरल्याण्डका लागि सिमि सिंहले अविजित रहदै १०० रनको शतकीय इनिङ्स खेले । यससँगै सिमि एकदिवसीय क्रिकेटमा आठौं नम्बरमा ब्याटिङ गर्दै शतक प्रहार गर्ने पहिलो खेलाडीको कीर्तिमान बनाए ।
कुर्टिस क्याम्फरले ५४ रनको अर्धशतकीय इनिङ्स खेले । ह्यारी टेक्टर २९ रनमा आउट भए ।
दक्षिण अफ्रीकाका एडिले र ताब्रेज शाम्सीले ३/३ विकेट लिए । केशब महाराजले २ विकेट लिए ।
यस अघि पहिले ब्याटिङ गरेको दक्षिण अफ्रीकाले ५० ओभरमा ४ विकेट गुमाएर ३ सय ४६ रन बनाएको थियो ।
दक्षिण अफ्रीकाका लागि जान्नेमन मालनले अविजित रहदै १ सय ७७ रनको शतकीय इनिङ्स खेले ।
यस्तै क्विन्टन डी ककले १ सय २० रनको शतकीय इनिङ्स खेले । रुस्सी भान डेरले ३० रन बनाए ।
आयरल्याण्डका जोश लिटलले २ विकेट लिए ।
दक्षिण अफ्रीकाको जितसँगै तीन खेलको सिरिज १-१ को बराबरीमा सकिएको छ ।
पहिलो खेल रद्द भएको थियो भने दोस्रो खेलमा आयरल्याण्डले ४३ रनको जित निकालेको थियो ।
