इज्जत कंडेल, बुटवल । गायक तथा संगितकार सौगात सायरको स्वर तथा एरेञ्ज रहेको “तिम्रो याद” बोलको आधुनिक गीत सार्वजनिक भएको छ । उक्त आधुनिक गीत लुम्बिनी प्रदेशका सांसद माननीय भोज प्रसाद श्रेष्ठले बुटवलमा होटल न्यु इरामा एक कार्यक्रमका बीच लोकापर्ण गर्नुभएको हो । गीतका संगितकार तथा निर्माता आर.पि बादल हुन् त्यस्तै गीतका गीतकार पम्फा बन्जाडे, छायाँकन तथा निर्देशक विष्णु भट्टाराई रहेका छन भने दृश्य निर्माण अविरल फिल्मसबाट भएको हो । कार्यक्रमलाई सम्बोधन गर्दै लुम्बिनी प्रदेशका सांसद भोज प्रसाद श्रेष्ठले गीत संगितको क्षेत्रमा समेत मोफलसल अघि रहेको बताउनुभयो । राष्ट्रियस्तरमा हुने गायन तथा नृत्य प्रतियोगितामा रुपन्देहीबाट प्रतिनिधीत्व हुदै विश्वभर पुराउन सफल हुदै आएको बताउदै सांसद श्रेष्ठले नेपाली गीत संगितको विकास र संरक्षणमा सबैको चासो पुग्न आवश्यक रहेको कुरा बताउनुभयो ।

कार्यक्रममा वरिष्ठ संगितकार सुरेश सेञ्चुरीले गीत सोचे भन्दा धेरै राम्रो बनेको बताउनुभयो । समयअनुसार नयाँ पुस्ताको मनछुने सृर्जना निकाल्न सेञ्चुरीले आग्रह गर्नुभयो । हिट हुने नाममा कलाकारले समाजमा विकृति ल्याउने खालका गीत ल्याउन नहुने बताउनुभयो । नेपाली गीत संगित तथा संस्कृतिको विकासमा राज्यबाट नै चासोको साथ हेरिनुपर्ने संगितकार बताउनुभयो । गीतमा एरेञ्ज तथा स्वर राखेका चर्चित आधुनिक गायक सौगात सायरले दर्शक तथा स्रोताहरुको चाहाना अनुसार गीत तय भएको बताउनुभएको छ । गीत निर्माण गर्दा सहयोग गर्नेहरुलाई धन्यवाद प्रकट गर्दै गीत संगितको विकासमा सबै तह लाग्नुपर्नेमा जोड दिए । राज्यले कलाकारलाई पहिचान दिने परिचयपत्र उपलब्ध गराउनुपर्नेमा जोड दिनुभयो ।

कार्यक्रममा गीतकार तथा निर्देशक ऋषिराम न्यौपानेले गित संगित भित्र सन्देश र प्रेरणा भयो भने त्यस्ता सृर्जना जिवन्त हुने बताउनुभयो । नेपाली गीत संगितमा विकृति र विसंगति आइरहेको भन्दै यि यस्ता गीतहरु परिवारमा बसेर हेर्ने लायक नभएको न्यौपाने बताउदै सभ्य सृर्जन गर्नले कलाकारलाई आग्रह गरे । नेपाली संगित क्षेत्रको श्रीबृद्धिका लागी चासो देखाउनुपर्ने कुरा औँल्याउदै कलाकार बन्न निश्चत मापदण्ड हुनुपर्ने बताउनुभयो । कार्यक्रममा गायक सौगात सायरको माता विष्णुदेवी सुनार, साहित्यकार रुद्र ज्ञवाली, निर्देशक मनिष पन्थ, मोडल दिनेश पाण्डे लगायतको आतिथ्यता रहेको थियो ।

गीतको पुरा भिडियो हेर्नुहोस् :