नेपालका ३५ जिल्लामा पाँच सयभन्दा बढी र १८ जिल्लामा दुई सय बढी कोरोना भाइरस संक्रमित उपचाररत छन् । देशभर सक्रिय संक्रमितको संख्या १ लाख ९ हजार ७४० जना पुगेको छ ।

स्वास्थ्य तथा जनसंख्या मन्त्रालयका अनुसार प्रदेश १ को मोरङ, सुनसरी, झापा, प्रदेश २ को बारा, पर्सा, रौतहट, धनुषा र महोत्तरी, बागमती प्रदेशको काठमाडौं, भक्तपुर, ललितपुर, काभ्रेपलाञ्चोक, सिन्धुली, सिन्धुपाल्चोक, धादिङ, नुवाकोट, चितवन र मकवानपुरमा पाँच सय बढी सक्रिय संक्रमित रहेका छन् ।

त्यसैगरी, गण्डकी प्रदेशको कास्की, तनहुँ, नवलपरासी ९पूर्व० र गोरखा, लुम्बिनी प्रदेशको दाङ, बाँके, बर्दिया, पाल्पा, अर्घाखाँची, रुपन्देही, नवलपरासी ९पश्चिम० र कपिलवस्तुमा पाँच सय बढी सक्रिय संक्रमित रहेको स्वास्थ्य मन्त्रालयले जनाएको छ ।

कर्णाली प्रदेशको सुर्खेत र सुदुरपश्चिम प्रदेशको कैलाली, कन्चनपुर, अछाम र बैतडीमा पनि पाँच सय बढी सक्रिय संक्रमित पुगेका छन् । त्यसैगरी, देशभर ६७५ जना व्यक्ति क्वारेन्टाइनमा रहेको स्वास्थ्य मन्त्रालयले जनाएको छ ।

त्यसैगरी, प्रदेश १ को ताप्लेजुङ, प्रदेश २ को सलार्ही, सिराहा र सप्तरी, बागमती प्रदेशको रामेछाप, दोलखा र रसुवा, गण्डकी प्रदेशको म्याग्दी, लमजुङ, स्याङ्जा, पर्वत र लुम्बिनी प्रदेशको गुल्मी र रोल्पामा दुई सय बढी संक्रमित रहेका छन् ।

कर्णाली प्रदेशको जाजरकोट, दैलेख र सल्यान, सुदुरपश्चिम प्रदेशको डडेलधुरा र डोटीमा दुई सयभन्दा बढी संक्रमित रहेको स्वास्थ्य मन्त्रालयले जनाएको छ । त्यसैगरी, १३३१ जना आइसीयू र ३७० जना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ ।