बालात्कारमा संलग्न दुई प्रहरीलाई जिल्ला अदालत पश्चिम नवलपरासीले दोषि ठहर गर्दै कैद सजायको फैसला सुनाएको छ । लुम्बिनी प्रदेश दंगा नियन्त्रण गण सुनवलमा कार्यरत दाङ्गका २३ वर्षिय पटेश्वरी यादव र डडेल्धुराका २५ वर्षिय प्रेम खड्कालाई जबरजस्ती करणी मुद्धामा दोषि ठहर गर्दै कैद सजायको फैसला सुनाएको हो ।

न्यायधिस अशोक कुमार बस्नेतको ईजलाशले यादवलाई १२ र खड्कालाई ७ वर्षको कैद सजाय फैसला भएको अदालतका श्रेस्तेदार प्रेम प्रसाद पौडेलले जानकारी दिनुभयो । दुवैले सुनवलमा घासपात गर्न आएका १५ वर्षकि बालीका र १८ वर्षकि युवतिलाई जबरजस्ती करणी गरेको आरोपमा गत वर्षको जेठमा मुद्धा दायर भएको थियो । उनिहरुलाई जिल्ला कारागार परासी चलान गरिएको छ ।