गृहपृष्ठ आगलागी हुँदा १२० घर जलेर नष्ट करोडौको क्षति
आगलागी हुँदा १२० घर जलेर नष्ट करोडौको क्षति
बाँकेको नरैनापुरमा आगलागी हुँदा एक सय २० घर जलेर नष्ट भएका छन् । आगो निभाउने क्रममा चार जना घाइते भएका छन् । नरैनापुर गाउँपालिका वडा नं ४ को खोदवा गाउँमा शनिबार अपराह्न साढे तीन बजेतिर लागेको आगो गएराति १ बजे पूर्णरुपमा निभाइएको थियो ।
आगलागीबाट करोडौंको क्षति भएको प्रारम्भिक अनुमान गरिएको छ बाँकेका प्रहरी उपरीक्षक ओमबहादुर रानाले जानकारी दिए । आगलागीबाट अन्नबाली, काठ, लत्ताकपडा र नगद जलेर नष्ट भएका छन् ।
आगो निभाउन पाँचवटा दमकल प्रयोग गरिएको थियो । स्थानीय फकिर खाँको गोठबाट सुरु भएको आगो बस्तीभर फैलिएको थियो ।
