प्यारामाउण्ट बोर्डिङ स्कुलमा अध्यनरत छात्रा अचानक अस्वस्थ भएपछि उपचारका लागि अस्पताल लगिएकोमा अल्पायुमै ज्यान गुमाएकी प्रतिभा सापकोटाको सम्झनामा रुपन्देहिको तिलोत्तमा नगरपालिका स्थित मणिग्राम चोकमा दिप प्रज्वलन गरिएको छ उक्त शान्तिपूर्ण दिप प्रज्वलन कार्यक्रममा  प्रहरीले लाठी प्रयोग गरि कार्यक्रममा अबरोध गरेको थियो । तिलोत्तमा नगरपालिका वडा नम्बर १ नयाँमिल स्थित प्यारामाउण्ट बोर्डिङ स्कुलमा अध्यनरत छात्राको मृत्यु भएपछि बिद्यालयमा तनाव उत्पन्न भएको थियो  ।

विद्यालयको छात्रावासमा बसेर एसईई परिक्षाको तयारी गरिरहेकी नयाँमिलकै प्रतिमा सापकोटा अस्वस्थ भएपछि उपचारका लागि अस्पताल लगिएकोमा अकस्मात मृत्यु भएको थियो । उनलाई शनिवार बिहान उच्च ज्वरो आउने, टाउको दुख्ने र स्वासप्रस्वासमा समस्या देखिए पश्चात अस्पताल लगिएको थियो ।

उनिसगै छात्राबासमा बसेर अध्यययन गरिरहेका अरु विद्यार्थीमा पनि टाउको दुख्ने र ज्वरो आउने समस्या देखिएको थियो । विद्यालयले केही विद्यार्थीहरुलाई घर पठाईसकेको छ भने ३० जना जति विद्यार्थी विद्यालयमै रहेको र पिसिआर परिक्षणको गरेको थियो जसमा सबैको रिपोर्ट नेगेटिभ आएको विद्यालय प्रसाशनले जनाएको छ  ।