गृहपृष्ठ त्रिदेशीय अन्तराष्ट्रिय फुटबल प्रतियोगितामा नेपाली टिमको कप्तानी गोलकिपर किरण चम्जोङ
त्रिदेशीय अन्तराष्ट्रिय फुटबल प्रतियोगितामा नेपाली टिमको कप्तानी गोलकिपर किरण चम्जोङ
काठमाडौं । त्रिदेशीय अन्तराष्ट्रिय फुटबल प्रतियोगितामा नेपाली टिमको कप्तानी गोलकिपर किरण चम्जोङले गर्ने भएका छन् ।
नेपाली राष्ट्रिय फुटबल टिमका मुख्य प्रशिक्षक बाल गोपाल महर्जनले प्रतियोगितामा नेपालको कप्तानी किरणले गर्ने बताएका छन् ।
‘टिमको कप्तानी किरणले गर्ने छन् । उनी आज भारतबाट स्वदेश फर्कदै छैन,’ मुख्य प्रशिक्षक महर्जनले भने ।
किरण भारतमा व्यावसायिक फुटबल खेलिरहेका छन् ।
राष्ट्रिय टिमका नियमित गोलकिपर समेत रहेका किरण भारतको शीर्ष डिभिजन लिग आईलिग खेलिरहेका छन् । किरण पन्जाबबाट खेलिरहेका छन् ।
दशरथ रंगशालामा आयोजना हुने त्रिदेशीय फुटबलमा नेपाल, बंगलादेश र किर्गिस्तानले खेल्ने छन् ।
भोलि (मंगलबार) हुने उद्घाटन खेलमा किर्गिस्तान र बंगलादेश खेल्ने छन् ।
नेपालले पहिलो खेलमा किर्गिस्तानसँग खेल्नेछ । किर्गिस्तानको यू-२३ टिम हुनेछ ।
दोस्रो खेलमा नेपालले बंगलादेशसँग खेल्नेछ । नेपाल र बंगलादेशबीचको खेल चैत १४ गते हुनेछ ।
राउण्ड रोबिनको आधारमा हुने लिगको शीर्ष दुई टिमले फाइनलमा प्रतिस्पर्धा गर्ने छन् ।
फाइनल खेल चैत १६ गते हुनेछ
