२०८३ मंसिर १ गते सोमवार | November 16, 2026

गृहपृष्ठ दिपेन्द्रले त्रिकोणात्मक सिरिज खेल्न नसक्ने

दिपेन्द्रले त्रिकोणात्मक सिरिज खेल्न नसक्ने

साेमबारबाट सुरु हुने अमेरिका र ओमान सम्मिलित त्रिकोणात्मक सिरिज अगाडी नेपाली क्रिकेट टिमलाई झट्का लागेको छ ।

नेपाली क्रिकेट टिमका उपकप्तान दिपेन्द्रसिंह ऐरीले आइसीसी विश्वकप क्रिकेट लिग टु को सिरिज गुमाउने भएका छन ।  दायाँ खुट्टको एंकलमा लागेको चोटका कारण पीएनजीविरुद्धका दुबै खेल गुमाएका थिए । तर उनकाे चाेट निकाे हुन केहि समय लाग्ने भएकाले उनले सिरिज गुमाउने भएका हुन ।


आइतबार थ्रोइङ गर्ने क्रममा उनको खुट्टामा चोट लागेको थियो । जसका कारण उनले पीएनजीविरुद्धको खेल खेल्न सकेका थिएनन् । उनको चोटका एमआरआईमा उनलाई केहि समय आरामको आवश्यकता देखिएको क्यान स्रोतले बताएको छ । जसका कारण उनले ओमान र अमेरिका सम्मिलित त्रिकोणात्मक सिरिज खेल्न नसक्ने भएका हुन ।

रिपोर्ट अनुसार उनको चोट कतिको गम्भिर छ र कति समय मैदानबाहिर हुने भन्ने विषयमा क्यानले आजै विज्ञप्ती निकाल्नेछ ।

दिपेन्द्रको स्थानमा अर्को खेलाडी पठाउने वा नपठाउने भन्ने विषयमा क्यानले आजै निर्णय गर्नेछ । यसअघि नै नेपाली टिममा १७ खेलाडी ओमान आएकाले पनि दिपेन्द्रको स्थानमा नेपालबाट खेलाडी बोलाउनु पर्ने अवस्था नआउनसक्ने पनि स्रोतको भनाई छ ।

नेपाली टिमका मध्यक्रमका भरपर्दा खेलाडी दिपेन्द्र यो चोटका कारण केहि समय मैदान बाहिर बस्नुपर्ने संभावना रहेको छ ।

नेपालले पीएनजीसँगको दुई वटा खेलमा जित निकालेपछि टिमको त्रिकोणात्मक सिरिजका लागि मनोबल उच्च बनेको थियो । तर यो सिरिजमा दिपेन्द्र नहुने भएपछि केहि अभाव खड्किने संभावना रहेको छ ।

प्रतिकृया दिनुहोस्

सम्बन्धित शीर्षकहरु

ताजा समाचार