गृहपृष्ठ मेडिकल माफियाको आतंकले फेरि एक सामान्य व्यक्तिको मुत्य भएको आरोप : छानबिन गर्न परिवारजनको माग
मेडिकल माफियाको आतंकले फेरि एक सामान्य व्यक्तिको मुत्य भएको आरोप : छानबिन गर्न परिवारजनको माग
रुपन्देही जिल्लाको देवदह नगरपालिका वार्ड न ० ११ शन्करपुर स्थायी बसोबास गर्दै आएको बर्ष ५६ को अमरजित कोहरको कोरोना संक्रमणको कारण देखाउँदै मृत्यु भएको घटना शंकास्पद रहेको भन्दै परिवारजनहरुले छानविन गर्न सरकारसँग माग गरेका छन् ।
रुपन्देही जिल्ला देवदह नगरपालिका वार्ड न ० ११ बस्ने अमरजित कोहार असोज ११ गते श्वासप्रश्वासमा समस्या भइ रुपन्देही जिल्लाको बुटवल स्थित लुम्बिनी अञ्चल अस्पतालमा भर्ना गरिएको थियो । पछी अवस्था थोरै खराव भए पछी आइसियो मा राखिएको थियो। त्यसैअनुरूप उक्त दिन नै कोभिड-१९ को पिसिआर चेक गर्दा कोरोना पोजिटिभ देखिएको थियो र राती भरी उक्त लुम्बिनी अञ्चल अस्पतालमै राखियो र पछी अवस्था सामान्य भएको कुरा डाक्टरले परिवारजन लाई जानकारी गराएका थिए ।
परिवारजनका अनुसार पुनः असोज १२ गते बिहानको ८:०० बजे रगत माग गरिएको थियो भने संक्रमीत भनिएको अमरजित कोहार लाई बुटवलको धागो कारखाना स्थित बुटवल कोरोना अस्पतालमा भर्ना गरियो र निज को अवस्था सामान्य रहेको र मैले आफै एम्बुलेन्समा चढाएर त्यहा सम्म पुर्याएको कुरा निज मुर्तकका छोरा विश्वनाथ कोहारले बताउनु भयो ।
त्यस पछी कोरोना अस्पतालको नम्बरमा फोन गर्दा पहिला जस्तै अवस्था सामान्य रहेको र चिन्ता लिनुपर्ने कुनै पनि कुरा छैन डाक्टरले बताउनुभयो ।
असोज १३ गते १० बजे पुनः रगत माग गरियो र उनको छोराले करिब ३ बजे ३ युनिट रगतको व्यवस्था गरि अस्पताल पुर्याइयो र फेरि ४:३० बजे थप १ युनिट रगत माग गरियो तर उक्त रगत मुर्त्यक लाई चढाइयो कि चढाइएन परिवारजनलाई कुनै जानकारी दिइएन । स्वास्थ अवस्था बुझ्दा सामान्य रहेको र भिडियोमा हेर्दा बेडमा निज स्वा० अमरजितको दुबै हात बाधिएको अवस्थमा छटपटाइ रहेको र अस्पताल प्रशासनललाई सोधपुछ गर्दा उपचार भइरहेको कुरा निजका परिवारले जानकारी दिए ।
पुनः असोज १४ गते बिहान ६:०० बजेअस्पतालमा अवस्था बुझ्नको लागी फोन गर्दा अवस्था जटिल भएको खबर प्राप्त भयो र उक्त दिन कै बिहान ८:५० मा अस्पतालबाट मुत्य भएको खबरले स्थम्भ बनायो ।
उक्त दिननै अस्पताल पुगि लास देखाउनु भन्दा अनुहार मात्र देख्न पाइयो र अनुहारमा रगत समेत लागेको कुरा परिवारजन ले बताए । पुरै शरीर देखाउनु भन्दा अस्पतालले आलटाल गरि देखाएन । र लास कुन ठाँउमा लगियो भन्ने कुराको कुनै जानकारी भएन ।
मुर्तक अमरजित कोहारको चार जना छोरी र १ जना छोरा छन ।
लुम्बिनी अञ्चल अस्पताल बुटवलको सम्पुर्ण पुर्जी तथा कागजातमा मिति र डाक्टरको हस्ताक्षर समेत रहेको छैन ।
परिवारजनका अनुसार उनीहरुले उपचारका क्रममा चिकित्सकहरुले गरेको लापरबाहीलाई ढाकछोप गर्न कोरोना संक्रमणको कारण देखाइएको भन्दै छानविन गर्न माग गरेका हुन् ।
स्वा० कोहार लाई संक्रमण देखिएपछि परिवार र कोरोना अस्पताल लैजादा एम्बुलेन्समा सँगै गएका छोराको कोरोना परीक्षण रिपोर्ट समेत नेगेटिभ आएको थियो । कोरोना परीक्षण नगरी उपचार गर्नु र सम्पर्कमा रहेका परिवारजनका सबैको रिपोर्ट नेगेटिभ आउनुले कोहारको कोरोनाबाट नभई उपचारकै क्रममा भएको लापरबाहीले मृत्यु भएको भन्दै परिवारजनले घटनाको छानविन गरी दोषिलाई कारबाहीसहित क्षतिपुर्तिको माग गरेका हुन ।
