जिल्लाको पुर्वी उत्तरी भेगको कोल्टीमा तीन दिने परिवार नियोजन बन्ध्याकरण शिविर संचालन गरिएको छ ल।
दुर्गममा रहेका चार स्थानीय तहका स्थानीयलाई सेवा दिने गरी शिविर संचालन गरिएको हो ।
दुुर्गम क्षेत्रको रुपमा रहेका बुढीनन्दा नगरपालिका, हिमाली गाउँपालिका जगन्नाथ गाउँपालिका र स्वामीकार्तिक खापर गाँउपालिका र जनताको सेवाका लागि कोल्टी प्राथमिक केन्द्रकमा शिविरको आयोजना गरिएको स्वास्थ्य कार्यालय बाजुराले जनाएको छ ।
स्वास्थ्य कार्यालय बाजुराको आयोजना र बुढीनन्दा नगरपालिकाको समन्वयमा उक्त शिविर संचालन गरिएको आयोजकले जनाएको छ ।
बुधबारबाट  सुरु भएको शिविरमा कोल्टी क्षेत्रका धेरै जनाले सेवा लिइसकेको र १४ गते सम्म संचालन गरिने  भएको हो । शिविरमा कम्तीमा दुई सय भन्दा बढी महिला र पुुरुषहरुले सेवा लिन सक्ने बुढीनन्दा नगरपालिका स्वास्थ्य उप संयोजक ओमजगं शाहीले बताएका छन ।
सुनौलो परिवार नेपालको आर्थिक सहयोगमा संचालित सो शिविरमा त्यस क्षेत्रका धेरै भन्दा धेरैलाई सेवा दिन प्रत्यन्न रहने स्वास्थ्य कार्यालय बाजुराका प्रमुख दयाकृष्ण पन्तले बताएका छन ।