गृहपृष्ठ बुटवल-पाल्पा सडक खण्ड ३ दिन दैनिक ३ घण्टा बन्द रहने
बुटवल-पाल्पा सडक खण्ड ३ दिन दैनिक ३ घण्टा बन्द रहने
सिद्धार्थ राजमार्ग आज २६ गते बाट ३ दिन सम्म प्रत्येक दिन ३ घण्टा बन्द गरिने भएको छ ।राजमार्गको बर्तुङदेखि चिडियाखोलासम्मको राजमार्गका बिभिन्न स्थानमा खसेको पहिरो हटाई दुईतर्फि बाटो सुचारु बनाउन ३ दिन ३ घण्टा सडक बन्द गरिएको सडक डिभिजन कार्यालय पाल्पाले जनाएको छ ।
सडक दुईतर्फि सञ्चालनका लागि मर्मत गर्न थालिएको सडक कार्यालयले जनाएको छ । कार्यालयका अनुसार ३ दिन सम्म बिहान ६ बजेबाट ९ बजे सम्म सडकको पुरै आवागमन बन्द गरेर काम गरिने छ । सडक बन्द भएपछि सुचना नपाएर गन्तब्य तय गरेका सवारी साधनहरु आज बिहनै देखि राजमार्गमा रोकिएका छन् ।
चालु आर्थिक वर्षमा नै सिद्धार्थ राजमार्गका कतिपय ठाउँमा घुम्ती काटेर फराकिलो बनाउने काम जारी रहेका कारण यो वर्ष बढी पहिरो गएको हुन सक्ने अनुमान गरिएको छ ।
