पश्चिम नवलपरासीको ऐतिहासिक महत्व बोकेको रामग्राम–७ उजैनी स्थीत भगवान गौतम वुद्धको अस्तु धातु रहेको रामग्राम स्तुपको गुरुयोजना स्वीकृतिको प्रक्रिया अगाडि बढेको छ । लुम्बिनी विकास कोषका उपाध्यक्ष अवेधश कुमार त्रिपाठीले रेडियो परासीसँग कुराकानी गर्दै गुरुयोजनाको पहिलो ड्राफ्ट स्वीकृतिका लागि प्रक्रिया अगाडी बढाईएको बताउनुभयो ।

रामग्राम स्तुपको तिव्र गतिमा विकास हुन नसकिरहेको सन्र्दभमा कोरोना महामरीका कारण पनि केहि असर परेको बताउँदै उहाँले पर्यटन र अर्थमन्त्रालमा स्वीकृतिको प्रक्रिया अगाडि बढाईएको बताउनुभयो । अन्तराष्ट्रिय विज्ञहरुसँगको परार्मस पछि तयार पारिएको गुरुयोजनामा प्रधानमन्त्री केपि शर्मा ओलीले थप केही सुझाव दिनुभएको छ ।

प्रधानमन्त्री ओलीले लुम्बिनीको जत्तिकै रामग्रामको पनि महत्व रहेकाले यसको विकासका लागि गुरुयोजनाको आकार बढाउन सुझाव आएकाले थप केही समय लागेको लुम्बिनी विकास कोषले जनाएको छ । गुरुयोजना कार्यान्वयनका लागि झन्डै साढे चार सय विगाहा जमिन अधिग्रहण गर्नुपर्ने हुन्छ । गुरुयोजना निर्माण अघि लुम्बिनी विकास कोषले बेलायतको दुरहाम विश्वविद्यालयको टोली बोलाएर जियाफिजिक्स सर्भे गरी जोखिम नक्सा तयार पारेको थियो ।

बेलाबेलामा लुम्बिनी विकास कोष अन्तर्गत रहेको एतेहासिक महत्वको रामग्राम स्तुपको तिव्र गतिमा विकास हुन नसकेको भन्दै कोषको आलोचना पनि हुने गरेको छ तर छिट्टै काम सुरु गर्ने गरी तयारी भईरहेको कोषको भनाई छ ।

यो पनि हेरौ :