गृहपृष्ठ सन्दीप र रोहित चम्किदा नेपालको बिसाल जित
सन्दीप र रोहित चम्किदा नेपालको बिसाल जित
नेपालले पपुवा न्युगिनी (पीएनजी) विरुद्धको दुई खेलको एकदिवसीय अन्तराष्ट्रिय सिरिज जितेको छ ।
शुक्रबार भएको दोस्रो खेलमा पीएनजीलाई १ सय ५१ रनले हराउँदै नेपालले सिरिज २-० ले आफ्नो बनाएको हो ।
यस अघि पहिलो खेलमा नेपालले पीएनजीलाई २ विकेटको जित निकालेको थियो ।
नेपालले दिएको २ सय ३४ रनको लक्ष्य पछ्याएको पीएनजीले १९ ओभर १ बलमा अलआउट हुँदै ८२ रनमा समेटियो ।
ओमानको अल अमिरात क्रिकेट मैदानमा पीएनजीका लागि टोनी उराले सर्वाधिक १९ रन बनाए ।
नेपाली बलर चम्किएको खेलमा पीएनजीका चार्लेस अमिनीले १६, नोर्मन भानुवाले १२ तथा सेसे बाउले ११ रन बनाए ।
गौडी टोका १० रनमा आउट हुँदा अन्य ब्याट्सम्यानले दोहोरो अंक जोड्न सकेनन् ।
पीएनजीलाई सस्तैमा समेट्न नेपालका सन्दीप लामिछाने एक्लैले ६ विकेट लिए । लेग स्पिनर सन्दीपले मात्र ११ रन खर्चिए ।
