गृहपृष्ठ लक्ष्मी स्मृतिका तीन मुक्तक
लक्ष्मी स्मृतिका तीन मुक्तक
१. जमाना कस्तो आयो मोवाइल थालमा हुनुपर्छ
पढ्ने,लेख्ने,खाने,बस्ने आफ्नै तालमा हुनुपर्छ
जता हेर्यो सबैलाई ब्यस्तता छ,फुर्सद छैन कतै
जतिखेरै दुई नजरहरु फेसबुक वालमा हुनुपर्छ ।
२. कानले सुन्न पाइएको छ आँखा छन् देख्न पाइएको छ
आज भन्दा भोलि अचम्म झन झन देख्न पाइएको छ
मान्छे बिग्रेका हुन् कि कलियुग सक्किन आँटेको हो
सत्तरी काटेका बृद्धमा पनि यौवन देख्न पाईएको छ ।
३. न रात भन्छन् न दिन भन्छन् के औधी बिग्रेका,
न यो खराव र यो घिन भन्छन् के औधी बिग्रेका,
जहिल्यै हेर्यो कुसंस्कार र कुलतमा डुबेका छन्
सम्झायो मलाई चिन् भन्छन् के औधी बिग्रेका।
– लक्ष्मी स्मृति
– बिराटनगर
