राजस्व अनुसन्धान कार्यालय बुटवल तथा तिलोत्तमा चेम्बर अफ कमर्सको संयूक्त आयोजनामा VCTS एवं कर निती सम्बन्धी अन्तर्क्रिया कार्यक्रम सम्पन्न भएको छ ।  राजस्व अनुसन्धान कार्यालय बुटवलका प्रमुख अनुसन्धान अधिकृत राजन कुमार बि.सी.,सूचना अधिकारी धनिश्वोर अर्याल, ब्यापार संघका पदाधिकारी,ब्यापारी, सुरक्षा निकाय लगायतको उपस्थितिमा सो  कार्यक्रम सम्पन्न भएको ब्यापार संघले जनाएको छ ।

कार्यक्रममा ब्यापार क्षेत्र भित्रको कर तथा कर नीति र भिसीटिएस का बारेमा जानकारी गराइएको थियो।  अन्तरक्रियामा सहभागीहरुले परिमार्जित कर नीति र समग्र ब्यापार नीतिका बिषयमा जिज्ञासा राख्नुभएको थियो।  कार्यक्रममा बोल्दै ब्यापार संघका अध्यक्ष जेपी कंडेलले ब्यापारीहरुमा कर तिर्ने बानीको बिकाश र खरिद बिक्रि प्रक्रियालाई सहज बनाउन व्यवसायमा भएका जिज्ञासाहरुलाई मेट्ने प्रयास गरिएको र सो कार्यमा सहयोगी बनेको राजस्व अनुसन्धान कार्यालय बुटवललाई धन्यबाद ज्ञापन गर्नुभएको थियो। कार्यक्रममा आएका जिज्ञासाहरुलाई राजस्व अनुसन्धान कार्यालय बुटवलका प्रमुख अनुसन्धान अधिकृत राजन कुमार बि.सी.,सूचना अधिकारी धनिश्वोर अर्यालले सहजीकरण गर्नुभएको थियो ।

@tilottamacitynews