विराट कोहलीको कप्तानीमा मैदान उत्रने भारत पहिलो संस्करणको उपाधि उचाल्न चाहन्छ ।

फाइनल खेलका लागि भारतले बलियो सुरुवाती-११ सार्वजनिक गरिसकेको छ ।

केन विलियम्सनको कप्तानी मैदान उत्रने न्युजिल्याण्डले सुरुवाती-११ सार्वजनिक गरेको छैन ।

तर, न्युजिल्याण्डले उपाधि जित्नका लागि उत्कृष्ट सुरुवाती-११ छनोट गर्नेछ ।

दुई टोलीबीचको पछिल्लो पाँच टेस्टमा भारत बलियो देखिएको छ । भारतले ३ खेल जित्दा न्युजिल्याण्डले २ खेल जितेको छ ।

गत वर्षको फेब्रुअरीमा भएको दुई टेस्ट सिरिजमा न्युजिल्याण्डले भारतलाई हराएको थियो ।

टेस्ट च्याम्पियनसिपको विजेताले १.६ मिलियन अमेरिकी डलर पुरस्कार पाउने छन् । फाइनल टेस्ट ड्र (बराबरी) मा सकिए उपाधि बाडिने छन् ।

यस्तै उपविजेता टोलीले ८००,००० अमेरिकी डलर पाउने जनाएको छ । आईसीसीले दुई टिमले पाउने पुरस्कार राशि २.४ मिलियन अमेरिकी डलर रहेको जनाएको छ ।