हरिवंशले विजेता घोषणा गर्दै गर्दा जब रीमा बीचमै बोलिन्…

गृहपृष्ठ हरिवंशले विजेता घोषणा गर्दै गर्दा जब रीमा बीचमै बोलिन्…

हरिवंशले विजेता घोषणा गर्दै गर्दा जब रीमा बीचमै बोलिन्…

असोज ३, २०७८ |
उदयमान मिडिया |
काठमाडौं |

‘कमेडी च्याम्पियन सिजन २’को फाइनलको अन्तिम ३० मिनेट तयारी विनाकै देखिएको थियो । विशेषगरि, जब विजेता घोषणाको चरणलाई टेलिभिजन र यूट्युबमा लाइभ गरियो, निक्कै फितलो देखियो । कार्यक्रमका प्रमुख अतिथीद्धय मनदकृष्ण श्रेष्ठ र हरिवंश आचार्यले विजेताको घोषणा गरे ।

जब, विजेताको नाम प्रमुख अतिथी हरिवंशको हातमा पर्यो । उनले भने–‘एउटा नाग हुन्छ, त्यो नागमा मणी हुन्छ । त्यो नागको मणी भनेको अमुल्य हो । पैसाले पनि किन्न नसकिने हो । यो मणी जो कोहीले पाउँदा पनि पाउँदैन, छुट्याउन पनि सक्दैन । त्यो मणी जस्तै भरतमा पनि एउटा मणी रहेछ । भरतमणि । हास्यब्यङ्ग्यको…।’

यति भन्दै गर्दा कार्यक्रम संचालिक रीमा विश्वकर्मालाई हतार भयो । उनले, हरिवंशले नाम घोषणा गर्दै गर्दा विचमै बोलिन्–‘कमेडी… ।’ यति भनेपछि उनले ‘सरी सर’ भन्दै माफ मागिन् । हरिवंशले रीमालाई जवाफ दिदै भने–‘आई एम सरी’ । फेरि रीमा बोलिन्–‘खासमा मैले उपहार दिनेलाई बोलाउन खोजेको ।’

रीमाले विचमै कुरा काटेपछि हरिवंश अलमलिए । उनले ‘भरतमणी, नाम ठिक छ नि’ भन्दै रीमालाई देखाए । रीमाले ठिक छ सर भनेपछि उनले भने–‘भरतमणिजी विनर हुनुहुन्छ ।’ हरिवंशले विजेताको नाम निक्कै फितलो तरिकाले लिए । हरिवंशले नाम लिएसँगै रीमाले फेरि जोडिन्–‘कमेडी च्याम्पियन सिजन २ को विजेता बन्नु भएको छ, भरतमणि पौडेल ।’