अरे ! भाग्य त लिएरै आएकी रैछे ।

जन्म , विवाह र मुत्यु

यी तीन भावीले तय गर्छन् अरे !

अलिकति खुसी बिनाको

मेरो जन्म ,

गर्भमा तुहिनबाट जोगिएकी

बाआमा सङै डाक्टर झुकिएर ।

घरकी सातौ सन्तान छोरी

मेरो जन्मको कहानी सुनाउदै

हजुरआमा भन्नू हुन्छ ,

भाग्य त लिएरै आएकी रैछे ।

 

बिस्तारै ठुली भए

फुलजस्तै सुन्दर अनि सुभाशिली ।

त्यो फुलमा आँखा लागे

युवकहरुको , दुनियाँको

उमेर छिपिदै गरेका पुरुषहरुको ।

जनतन जोगाउन सफल भए

आफुलाई , आफ्नो अस्तित्वलाई ।

त्यसैबेला मेरा साथीहरू भन्थे

अरे ! भाग्य त लिएरै आएकी रैछे ।

 

शिक्षा सकियो

जागिर पाउन गाह्रो

अब हुनेभयो विवाह ।

राम्रो खान्दान ,

खाईलाग्दो केटा , राम्रो परिवार

यी सबै हेरिउरी तया गरियो विवाह मिति

भयो विवाह, म अब

छोरीबाट दोस्रो परिवारकि बुहारी

सबैकुरामा पुक्त मेरो श्रीमान

यो देख्दा समाजले भन्ने

अरे ! भाग्य त लिएरै आएकी रैछे ।

 

सोचेजस्तै भयो सबै

छोराछोरी भए,

छोराछोरीको विवाह भयो ,

फेरि नातिनातिना पनि भए

बुढेसकाल लाग्यो

रोगले सताउन थाल्यो

दुईचार बर्ष

धामीझाँक्री ,डाक्टर ,लामा

त्यसपछि मुत्यु अनि

सकियो म सङै मेरो अस्तित्व

मोर्दा पनि दुनियाँले भन्ने

अरे ! भाग्य त लिएरै आएकी रैछे ।

 

सोचेको थिएन मेरो परिवारले

छोरी हुनुपर्छ भनी

खोजिएको थियो

गर्भबाटै मेरो अस्तित्व मेटाउन ।

कति कोशिश गरिएको थियो

मेरो शरीरलाई लुछ्न

कसरी जोगिएकी थिए त्यतिबेला

आङछिरिङ हुन्छ अझैपनी ।

श्रीमानको कुटाइ , परिवारको हेला

घरदेखि दुनियाँ समाल्नु पर्दाको पिडा

कसैले देखेन त्यो देखेन ।

छोराछोरीको ढिपी ,

छोराछोरीको हेपाई

बुढेसकाल , बिरामी

कसैले देखेन त्यतिबेला ।

यो बिचमा पनि भनिरहे

अरे  ! भाग्य त लिएरै आएकी रैछे ।

 

त्यसैले मेरो समाजले भनिरहेयो

छोरीलाई पृथ्वी

त्यसैगरी अवलोकन गरिरहे

छोरीलाई  त्यसैगरी बुझे, सम्झे

तर कहिले सम्झेन्न

छोरीको आवश्यकता ,

कहिले बुझेनन्

छोरीको चाहाना

कहिले तौलिएन्न

छोरीको शिक्षा , सीप, आत्मविश्वास

काम आफ्नो , नाम अरुको भएर

बाचिरहे अस्तित्वविहिन छोरीहरु ।

यी सब देख्दा देख्दै पनि

अझै भनिरहे भनिरहे

अरे !  भाग्य त लिएरै आएकी रैछे ।।

म सोचिरहेको थिए

मैले लेख्न नपाएको भाग्य

कसरी दुनियाँ सामु पुग्यो ?

All i need is  Chance

 

यो पनि हेरौ :