घर कसरी चिटिक्क बनाउने रु राम्रो घर बनाउँछु भन्ने व्यक्तिले पहिलोपटक सोच्ने प्रश्न हो यो ।
प्राय हामी सबैजनालाई आफू बस्ने घर चिटिक्क भएको मनपर्छ । घर चिटिक्क देखाउन घरमा लगाइने रङले पनि ठूलो भूमीका निर्वाह गर्दछ । त्यसैले आज हामी यहाँ घरमा रङ लगाउँदा ध्यान दिनुपर्ने कुराहरूको बारेमा जानकारी दिनेछौँ ।

रङले घरलाई आकर्षक बनाउने गर्दछ । पछिल्लो समय घरमा रङ लगाउँदा मानिसहरू सजग हुन थालेका छन् । कीनकी रङले मनोविज्ञानलाई प्रत्यक्ष प्रभाव पार्दछ ।

घरमा रङ लगाउँदा ध्यान दिनुपर्ने कुराहरू यस प्रकारका छन् :

१. बाहिरी रङ
कुनैपनी घरको बाहिरी रङले उक्त घरको सुन्दरताको व्याख्या गर्छ । त्यसैले, घरको रङ अरुको भन्दा फरक सबैलाई आकर्षित गर्ने खालको हुनपर्दछ । साधारणतया घरको बाहिरी रङ मन्द खालको हुनुपर्छ । धेरै चम्किलो रङ खासै आकर्षित मानिँदैन ।

२. ध्यान दिनुपर्ने
विज्ञहरूको सुझाव अनुसार रङ लगाउँदा अपनाउनुपर्ने सावधानी यस प्रकारका छन् :
– सिल्कलगायतका उच्च गुणस्तरीय रङ छनोट गर्ने ।
– निर्माणाधीन अवस्थामै रहँदा रङ नलगाउने ।
– रङ लगाउनु भन्दा अगाडी आफ्नो क्षेत्र तयार छ कि छैन हेर्ने ।
– रङ लगाइसकेपछि पर्याप्त मात्रामा सुक्न समय दिने ।
– बजारमा उपलब्ध रङ स्वास्थ्यका लागि हानिकारक छ कि छैन ध्यान पुर्याउने ।
– बिग्रिएका, मक्किएका भित्ता मर्मत गरेर मात्र रङ लगाउने ।
– घरमा चाँडै नखुइलिने, पानी र घामले नबिग्रिने रङ लगाउने ।
– रङको प्राविधिक पक्ष बुझेर मात्र छनोट गर्ने ।
– रङ लगाउँदा उज्यालो र अँध्यारो रङको मिश्रण गर्ने ।
– घरको सुन्दरता कायम राख्न तीन वर्षको फरकमै रङरोगन गर्ने ।