गृहपृष्ठ दक्षिण अफ्रीका विजयी
दक्षिण अफ्रीका विजयी
एजेन्सी । घरेलु टिम वेस्ट इन्डिजविरुद्धको दोस्रो टी-ट्वान्टी क्रिकेटमा दक्षिण अफ्रीकाले जित निकालेको छ ।
आइतबार राति भएको खेलमा दक्षिण अफ्रीकाले वेस्ट इन्डिजलाई १६ रनले पराजित गरेको हो ।
दक्षिण अफ्रीकाले दिएको १ सय ६७ रनको लक्ष्यसहित जवाफी ब्याटिङ गरेको वेस्ट इन्डिजले २० ओभरमा ९ विकेट गुमाएर १ सय ५० रन मात्र बनाउन सक्यो ।
वेस्ट इन्डिजका लागि आन्द्रे फ्लेट्चरले ३५ रन जोड्दा फाबियन एलनले ३४ रन बनाए । इभिन लेविसले २१ तथा जासन होल्डरले २० रन बनाए ।
दक्षिण अफ्रीकाका कागिसो राबडाले ३ तथा जर्ज लिन्डेले २ विकेट लिए ।
यस अघि पहिले ब्याटिङ गरेको दक्षिण अफ्रीकाले २० ओभरमा ७ विकेट गुमाएर १ सय ६६ रन बनाएको थियो ।
दक्षिण अफ्रीकाका लागि कप्तान टिम्बा बाभुमाले सर्वाधिक ४६ रन बनाए । यस्तै रिजा हेन्ड्रिक्सले ४२ रन जोड्दा क्विन्टन डी ककले २६ रन बनाए ।
डेभिड मिलर ११ रनमा आउट हुँदा हेन्रिच क्लासेन १० रन जोड्दा आउट भए ।
वेस्ट इन्डिजका ओबेड म्याककोएले ३ तथा केभिन सिन्क्लेयरले २ विकेट लिए ।
यस जितसँगै दक्षिण अफ्रीकाले पाँच खेलको सिरिजमा १-१ को बराबरी गरेको छ ।
पहिलो खेलमा वेस्ट इन्डिजले दक्षिण अफ्रीकालाई ८ विकेटले हराएको थियो ।
